人生是不是一定要被傳統思想帶住走

1. 凡事應量力而為, 讀書唔得就學好一技之長, 眼見好多年青人讀書差,但又怕辛苦,逃避現實唔出來工作, 持住有屋企養就呃書讀, 讀到26 7..歲都仲全職讀書, 從沒有想過可以日頭返工夜晚讀書, 白白捐失寶貴既工作經驗

.2. 返工其實都係為兩餐, 千奇唔好以氣用事, 同別人搞對立, 亦都唔好俾自己有咁大既工作壓力, 要調高自己既EQ, 控制個人情緒, 最理想搞好些人際關係, 係社會做事,有時識人好過識字, 好多麻煩事都係人製造出來, 只要搞惦人就等如搞惦好多麻煩事

3. 男人其實唔需要太早結婚(女人遲婚就比較麻煩. 因為選擇對象比較少), 鍾意家庭生活同安穩既人就另計,早婚只會縛住自己既生活空間, 有能力趁後生見識下紙醉金迷既花花世界亦都無仿, 做一些唔影響別人而自已又enjoy開心既事, 總好過婚後經常偷偷摸摸, 違背婚前既誠約, 拍拖時仲有選擇對象既權利, 但結婚就係一生一世既誠約,唔可以兒戲...

4. 結婚唔一定要急於買樓, 除非你好有經濟能力, 要量力而為, 千奇唔可以被家人既壓力影響你, 中國人既傳統觀念成日以為一定要有自己既屋先係完整既一個家, 所以就急於買樓, 供樓係一種長期而繁重既負擔, 分分鐘可以困繞你下半生

5. 如果冇經濟能力或冇陪養子女既心理準備, 又或者自己既心態未夠成熟, 千奇唔好生小孩, 生小孩唔單止要付出金錢去供書教學, 仲要付出時間同精神去陪養小孩既個人品格, 唔係生左出呢由得佢就算, 社會上有好多人連自己都養唔惦, 仲要生三, 四個小孩, 結果搞到家庭悲劇發生, 唔單只害了自己, 仲影響下一代既成長...

6. 人生最基本重要既資產就係健康, 試問如果冇健康, 點樣再去發展學業, 事業,愛情, 理想. 健康差既人連自己都照顧唔到, 又點去照顧你既親人同愛人呢??? 當你長時間放縱於煙酒色慾, 同時亦都要為你既健康付出沈重既代價, 偏偏這又是大部分人所忽略的

7. 人最終要面對死亡, 只不過是在世時間長與短既分別, 無論你富與貧, 優與劣,最終都要面對它, 死亡並不可怕, 最可怕就係生前自己一手一腳催毀自己既人生